Koskenades 26 – Slaai

Vandag praat ons bietjie oor slaai, juis op die koue dag in die lente!

Die woord slaai of eintlik “salad” het sy oorsprong al in die 1400’s en dan spesifiek in die Franse en Latynse taal wat souterig beteken. En die souterigheid was op sy beurt weer met slaaigroente geassosieer omdat groente in die Romeinse tyd met pekelwater of souterige water of olie en asyn gegeur was.

Slaai is primer ‘n dis wat opgemaak word van rou groente en bedien word met ‘n sous of slaaisous wat olie en asyn bevat.

 ‘n Slaai word as sulks geklassifiseer wanneer dit uit minstens 3 verskillende vrugte of groente bestaan.

Daar is baie verskillende slaaie wat in die kookuns bekend is. Slaaie met afgekoelde gaar groente of geblansjeerde groente, slaai met pasta, slaai met kaas, slaai met vleis of seekos, slaai met eier en dan ook soet slaaie met vrugte en dan selfs warm slaaie.

Die term groen slaai word gewoonlik gebruik wanneer daar ‘n tipe blaarslaai, roket, spinasie of kool of selfs vars kruie blare bygevoeg word. Die slaai sal dan minstens 50% uit blare bestaan.

Slaai kan op enige stadium van ‘n maaltyd bedien word. Dit kan as voorgereg bedien word om gaste se aptyt te stimuleer. Slaai kan by jou hoofgereg as bykos bedien word. Jy kan selfs slaai met ‘n proteien in soos vleis, kaas of eier as ‘n hoofgereg bedien. Dan word slaai ook as ‘n palet reiniger bedien na jou hoofgereg en natuurlik kan slaai ook as nagereg bedien word, wat dan uit vrugte bestaan en met room bedien word.

Slaai wat met ‘n dik slaaisous gemaak word wat gewoonlik mayonnaise, room of jogurt as bestandeel het word gewoonlik gebinde slaai genoem as gevolg van die sous wat die bestandele bymekaar hou. Hierdie slaaie is gewoonlik jou tuna, pasta, hoender, eier of aartappel slaaie. ‘n Gebinde slaai kan dinge ook vergemaklik vir jou ete beplanning omdat dit vooraf gemaak kan word en gestoor word in die yskas.

Hierdie tipe slaaie word ook vir vorm slaaie gebruik en dan kan gelatien bygevoeg word om met die vorming te help. Dit is ook hierdie slaai wat op broodjies beland as ‘n heerlike vulsel.

Vinaigrette is die mees algemene en mees populêre slaaisous wêreldwyd. Dit bestaan uit 3 dele goeie slaaiolie en een deel suur – soos asyn, suurlemoensap, wyn of balsamiese asyn, kruie en speserye. Sout, peper en suiker kan ook in die vinaigrette bygevoeg word. ‘n Teelepel Dijon mosterd werk uitstekend en help ook vir die vermenging van die olie en asyn. Ander bestandele soos heuning, grasuie, lemoenskil ensovoorts kan ook mee ge- eksperimenteer word om ‘n verskeidenheid vinaigrette souse te maak.

Slaaiblare se grootste vyand is water en slaaitange. Slaaiblare moet uitgesorteer word om te verseker dat jy nie verlepte blare in jou slaai gebruik nie. Die blare moet dan goed afgespoel word en gedroog word. Water op die blare keer ook dat jou slaaisous nie die blare eweredig bedek nie en dan verloor jy smaak op jou blare. Gooi eers ‘n gesonde hoeveelheid sout oor die blare, en gebruik eerder seesout wat fyn gemaal is of kosjer sout want die gewone tafelsout kan ‘n chemise smaak aan jou blare gee. Daarna sprinkel jy die vinaigrette oor. Gebruik minder sous en meer sout dit laat jou slaai beter proe. Sout bring die smaak van jou blare uit en die vinaigrette komplimenteer net.

Gebruik jou vingers om slaaiblare te meng nie ‘n tang of lepel nie want jy kneus die blare so en dit gaan jou slaai gou laat verwelk.

Onthou slaaisous moet net voor bediening bygevoeg word want jy het omtrent 20 minute voordat die slaaisous die blare laat verlep.

 Lekker slaai eet die week!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s