Koskenades 28 – Pasteie en pastei deeg

Vandag praat ons oor pasteie en pastei deeg. ‘n Pastei is ‘n dis wat gewoonlik ‘n omhulsel van deeg het met ‘n vulsel van soet of sout.

Die geskiedenis van pasteie is baie interressant. Die eerste pastei verskyn al 9500vC in die Egiptiese era. In die grafkelder van Farao Rameses II wat 1300 vC geregeer het is afbeeldings van pasteie gevind en ook ‘n resep vir ‘n hoender pastei wat op ‘n klei tablet uitgekap is. En vandag in Suid Afrika word daar aan die aller gewilde Meraai se Chicken paai gesmul. Meraai se Chicken paai het tot ‘n draai op Masterchef SA gemaak.Die resep vir die heerlike pastei is ook op ons blog te kry.

Pasteie het eintlik ontstaan om vleisvulsels en groente vir mense wat baie reis te preserveer. ‘n Cornish pastei het ‘n baie oulike ontstaan, veral die vorm daarvan. Dit is ‘n half ronde pastei met ‘n gekartelde kors aan die ronde kant. Die tin myners in Engeland kon hiermee ‘n heerlike ete geniet met vleis en groente daarin wat redelik lank warm gebly het as gevolg van die dikker kors. Die giftige stowwe wat aan hulle hande vas gesit het van die werk het etenstyd onder in die myn moeilik gemaak. Die pastei is so ontwikkel dat die myners die pastei in hulle hande kon vashou aan die gekartelde gedeelte wat gewoonlik dikker was en dus sterk genoeg was om die hele pastei aan te dra. So het hulle dan die res van die pastei ge- eet en die gedeelte waaraan hulle gevat het met hulle hande weg gegooi.

‘n Gevulde pastei word in ‘n bak gemaak waarvan die bodem en kante bestaan uit deeg en die vulsel word bo oor gegiet en die pastei bo oopgelos. ‘n Gevulde pastei is dus pasteie soos quiche, pampoen tert, pekan neut pastei, appel tert, melk tert ensovoorts.

Broskors deeg is die mees algemene pastei deeg en word van koekmeel, vet, water en sout gemaak. Die botter word eers in die meel ingevryf om te keer dat die gluten ontwikkel en dit vorm dan vir ons ‘n sagte kors wat gebruik word vir oop pasteie en terte. Broskors kan gegeur word met gerasperde kaas en kerrie poeier vir ‘n interressante smaak vir sout vulsels.

‘n Bo kors pastei, is ‘n pastei wat gebak word wat net ‘n bolaag het van deeg of iets soos kapok aartappels. Seker die mees bekende bo kors pastei is ‘n Herders pastei wat ‘n laag kapok aartappel het bo oor ‘n mengsel van vleis en groente, en dan gebak word. Ons maak soms sommer vir ‘n bredie ‘n bo kors deur bruismeel, botter, ‘n eier en melk in ‘n loperige mengsel te meng en bo oor die bredie te gooi en dan te bak wat dit baie interressant maak om dit so voor te sit. In die oorgooi deeg kan jy ook vars gekapte kruie meng om dit ‘n lekker vars smaak te gee.

‘n Dubbel kors pastei is ‘n vulsel wat geheel deur ‘n deegkors omhul is. Blaardeeg word oor die algemeen hier voor gebruik. Blaardeeg het seker die meeste werk aan verbonde want dit is lae deeg wat gerol word met botter of vet tussenin. Die botter of vet tussen die lae deeg word dan warm in die bak proses en veroorsaak dat stoom vry gestel word wat die lae uitmekaar stoot en ‘n lae effek vorm. Baie van die pasteie wat ons in die winkels kan koop word van hierdie deeg gemaak.

Skilferkors deeg word vir baie ander pasteie ook gebruik en veral ook vir soet gebak omdat dit lig en botteragtig proe.

Choux kors deeg of poffertjie deeg soos ons dit ken, is ‘n baie ligte deeg wat gewoonlik vir soet gebak gebruik word soos sjokolade éclairs en room poffertjies.

Dan is daar filo deeg wat papier dun deeg is wat in baie lae gebruik word. Die Grieke is baie lief vir hierdie deeg en gebruik dit in gebak soos baklava en kontifi. Met filo deeg kan ‘n mens ‘n vinnige en interressante bo kors pastei maak deur die filo in roos vorms bo op die vulsel te pak en vinnig te bak vir ‘n baie indrukwekkende en maklike pastei.

Die resep vir die oorgooi deegkors sal ook op die blog wees by resepte.

Nou maar lekker pastei eet hierdie week!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s